სპანეთის ნაკრების მთავარმა მწვრთნელმა ვისენტე დელ ბოსკემ განაცხადა, რომ ის ყველა იმ ესპანელ ფეხბურთელს გადასცემდა ოქროს ბურთს, რომლებიც ამ ჯილდოს კანდიდატთა სიაში არიან წარდგენილნი.
"ჩემი ნება რომ იყოს, ოქროს ბურთს შვიდივე ფეხბურთელს გადავცემდი. ჩემთვის ყველა თანასწორნი არიან. რადგან ასე არ შეიძლება, ძალიან გამიხარდება თუ რომელიმე ესპანელი მოთამაშე მიიღებს ამ ჯილდოს. საბედნიეროდ მე არ შემიძლია ხმის მიცემა, რადგან ისინი ჩემთვის ყველა ერთნი არიან."-განაცხადა დელ ბოსკემ "MARCA"-თან ინტერვიუში
შეგახსენებთ, რომ ოქროს ბურთის კანდიდატთა სიაში შვიდი ესპანელი ფეხბურთელია წარდგენილი: ჩაბი ალონსო, დავიდ ვილია, ანდრეს ინიესტა, იკერ კასილასი, კარლეს პუიოლი, სესკ ფაბრეგასი და ჩავი ერნანდესი.
|
